在香江炒得股票，上至「賓架」，下至「順嫂」，都一定識「丁蟹」，而且必定知傳統股民智慧「丁蟹效應」。不過，凡事都有例外，縱橫股壇數十載、競選連任金融服務界議員的張華峰，居然露底話「而我不知道丁蟹是誰」，仲話有機會想認識佢。
張華峰日前和另外兩位候選人詹劍崙、徐聯安出席選舉論壇，被問到假設題「如果我係丁蟹。」張華峰神回應話：「如果我係丁蟹，我就要了解佢嘅業務性質，了解佢工作範疇，了解佢嘅專長。知道佢嘅專長，可以引導佢發揮專業，為社會服務。我希望對丁蟹呢個人，有多啲認識，我暫時對佢認識唔深，希望有機會睇多啲關於佢嘅新聞，喺佢度學到佢嘅經驗、專長。」之後被問到信不信有「丁蟹效應」，張華峰繼續神級回應：「丁蟹效應，有好有唔好，好嘅方面，大家要學習；唔好嘅，大家要改變，呢個就係我對人對事嘅睇法。」
張華峰其後喺facebook「高登」上身話，「是咁的，我一直都知咩係秋官效應，仲知有大行就呢個效應出報告，但我真係無睇過《大時代》，更加唔知秋官嘅角色叫丁蟹，所以當日只好發揮我驚人嘅想像力同臨場應變。如果真係引起誤會，喺度講聲唔好意思……」睇怕張華峰今晚要重煲《大時代》認識丁蟹啦。不過，講番轉頭，張華峰雖然露底唔識邊個係丁蟹，但佢反應都算OK，一樣照吹，唔會口啞啞！
銀行卡詐騙套餐 900人仔有交易
內地網站售賣的商品包羅萬有，只要付出900蚊人民幣，就連銀行帳戶都買到！新華網報道，有不法分子在網上售賣新開戶的銀行卡牟利，買家甚至可以買到全套帳戶卡證，包括身份證原件、網銀U盾、銀行卡開戶資料單、銀行卡綁定的手機號碼卡等，為經濟詐騙、行賄受賄、洗錢等犯罪活動大開方便之門。
報道指，不法分子會搜集他人丟失的身份證，利用其身份證冒名辦理銀行卡、電話號碼卡在網上出售，而最終這些身份證、銀行卡、電話卡會被用在一系列非法活動。
買到全套卡證，可以冒認物主轉帳、匯款，而不被銀行察覺。報道指，不同銀行卡價格並不相同，例如建行銀行卡全套只需900元，招行則要1800元。而在一些網上論壇、QQ群裏，每天都有不同人掛出收購銀行卡訊息。內地騙徒利用電話及銀行戶口詐騙十分猖狂，早前就有準大學生徐玉玉，因為收到騙徒冒認教育當局人員，以發放助學金為名，騙去她準備交的全年學費，令她含恨引發心臟病逝世。
高瞻
↧