陳慧琳（Kelly）昨為其演唱會DVD舉行簽名會時，獲粉絲送上生日蛋糕提早慶祝其44歲牛一，Kelly更心痛老公劉建浩背負家庭重擔，揚言不用對方送禮物，只要兩名寶貝囝錄祝賀短片已感窩心！本報記者
潮媽陳慧琳（Kelly）昨日在觀塘舉行演唱會DVD簽名會，吸引大批粉絲逼爆商場，場面墟冚！Kelly透露DVD已加印了三次，稍後將推出藍光碟，而本月13日迎來44歲的她，更獲粉絲送上蛋糕預祝，她謂不用老公劉建浩送禮物，皆因家庭負擔已很重，只想兒子錄短片祝賀已覺窩心。
講到好友馮德倫與舒淇昨驚爆婚訊，Kelly直言「勁驚喜」，又以馮德倫與雷頌德組成的樂隊「Dry」食字祝賀：「恭喜佢（馮德倫）娶得美人歸，唔使用『Dry』喇！佢哋好匹配，希望快啲生BB，一定好靚！（想不到馮德倫也會結婚？）婚一定會結，估唔到係今（昨）日。」她續笑道要送其DVD作結婚禮物，又以歌名串成祝賀語：「『Let's Celebrate』呢個『大日子』，真係『有福氣』！（傳授相處之道？）要互相體諒同遷就，揀學校我可以過兩招畀佢哋！」
↧