41歲的車婉婉近年主力打理家人開設的食肆生意，因為戲癮大發所以最近就返TVB同羅嘉良一齊拍新劇《與諜同謀》。不過幾忙都好，車老闆都會抽時間陪結婚兩年多嘅老公Johnathan同埋約朋友行街Shopping。 日前她相約好友到中環High Tea，傾足兩個鐘先去睇鞋。她情有獨鍾高跟鞋， 由2吋踭試到4吋踭，半個鐘頭試足5對，可惜最後都係無買， 可能見無減價！
近年車婉婉拍了不少電影，包括《全力扣殺》和《華麗上班族》等，新作就有《我老婆係明星》。今年她還回巢幫TVB拍新劇《 與諜同謀》，劇中她飾演羅嘉良的太太， 她表示今次拍劇團隊精神好好，希望拍多啲劇，更搞笑話： 「好多角色都想試，我唔係走玉女路線，作為藝人我彈性度好高。」 問能否接受性感演出？她笑笑口說： 「太性感我要同老公講聲。」
Shopping無收穫
結婚兩年，她與細她6年的澳洲籍老公一直表現恩愛， 經常孖住去超巿買餸，然後返屋企玩煮飯仔。 日前她在中環置地廣場現身，不過身邊只得女性友人。 她們邊飲咖啡邊傾偈，仲傾到停唔到口。兩小時後， 她們才施施然行去Jimmy Choo睇鞋。不過都是車婉婉試，友人在其身邊畀意見。 她試了不同高度的高跟鞋，試完就喺店內行來行去，不過試足半個鐘都揀唔啱。
採訪：李權威
↧