譚嘉荃（Amy）2000年以組合B2身份入行，11年再以個人姿態發展，不過最近才有機會推出首張個人EP《如水》，雖然專輯內大部份歌曲已推出，但她心情依然特別緊張。早前她為EP封套及MV到將軍澳瀑布拍攝，要長期浸在水中拍攝，凍得她發燒病倒，但出來效果一致獲好評，她覺得一切辛苦也值得。
近年Amy製作歌曲的方向，都以非情歌為主，希望內容有更多層面意思，今次製作《如水》這首歌，就比較曲折，「最初想結集近期自己嘅單曲，諗緊地方影封面，我好鍾意大自然，諗住去瀑布影，咁啱監製話有首歌好配合。」
發燒都值得
於是《如水》成為該EP主題曲，Amy想帶出人生就如水一樣，總有高低和順流逆流，當然封套和MV一定要到瀑布取景，「攝影師喺將軍澳搵到一個好靚嘅瀑布，有太陽時都唔算太辛苦，但黃昏後真係好凍，仲要黑漆漆咁樣攞住器材行番落嚟，都幾辛苦㗎！好彩我本身有行慣山，但第二日都搞到發燒。」
Amy入行16年，這次才是她首次推出個人唱片，難怪得知有此機會，她心情特別興奮，「我真係好似變番新人咁緊張，成日會催公司啲嘢早啲安排，雖然好多歌一早出晒，但係再結集一齊出，真係唔同啲，仲要見到隻碟嘅實體時，感覺真係好神奇，仲要個個睇見都話個封套好靚，真係好開心㗎！」
採訪：杜淑霞 髮型：Tse Kit@vghair salon
化妝：Pui Pui@vghair salon
場地：The AIR（The ONE）
↧