但凡有奧運、世界盃等體育盛事舉行，都會牽動港人熱愛運動的情緒。感受最深的，也許是經營了多年體育用品生意的老棠佳（老生），今年85歲的他，於57年前開設了「文明體育用品」，店內貨品五花八門。經歷了多個寒暑，店舖鐵定月底結業，而老生口中最不捨的，除了多年心血，還有一眾熟客。文、圖：Travis
「黃小姐，無呀，打嚟話你知我哋月底唔做啦，好多嘢都會減價，我依家擔心緊你第時唔知喺邊度做獎牌咋！」老闆娘Lisa姐正致電每位熟客告知結業消息。有逾半世紀歷史的文明，堪稱是體育百貨，你數得出的用品，無論是熱門或偏門都一一俱備，如健身啞鈴、桌球、飛鏢、網球、籃球、中式兵器、盔甲、保齡球……而愛懷舊的朋友，更視這裏為一個寶藏，不少市面鮮見的Dead Stock，又或是那些年上體育課用的接力棒、膠圈等，都可在此尋得。當然還少不了一些獎盃，往時港九不少學校都會委託文明做獎盃，「好多人都會搵我做獎盃獎牌，舊時有九龍城啲救世軍天台學校，之後就愈來愈多，就連澳門賽車盃都專登搵我做。不過呢，最梗要講信用，要依時交貨，如果唔係運動會無獎牌頒咁
點算？」老生笑謂。
見盡運動熱潮
不少人做事都是三分鐘熱度，但老生謂自己與體育談一世戀愛，更自言後生時乜都喜歡玩一餐。至於做生意呢？就經歷過每項運動的興起，如上世紀50年代港足大熱，老生既是粉絲，亦由此殺出一條血路，「我以前鍾意踢足球，舊舖以前近旺角奶路臣街和洗衣街，嗰陣喺麥花臣賣小型足球做起，50年前每件波衫都係香港貨，由剪裁到摺骨都係度身訂造再加襟章，係後來先興來路貨。」老生謂當年個個睇香港之寶姚卓然、何祥友，睇得興奮雀躍。
到了70年代，李小龍掀起一陣功夫熱潮，他就趁勢引入不少健身器材、武打工具，不少更是只此一家，當年就連李小龍都向他訂大沙包，買回九龍塘大宅，「唔少道具師傅都知道文明貨齊，會搵車過嚟車走。」然而店舖亦曾因為收藏過多兵器，導致捲入官非，「我自己唔怕嘅，正當生意來嘛！」老生道。
至於舖頭生意的高峰期，也與香港的繁榮同步，80、90年代經濟好，其時店內專攻桌球，一枝桌球Cue索價五、六千元依然長賣長有，那時日日做幾萬元生意，每逢遇到桌球大賽，生意更加興旺，他笑謂今非昔比，當年許多人花錢不用想，現在就要思前想後。本月底文明體育將會畫上句號，老闆依舊同客仔有講有笑，「其實你賣每樣嘢都要知道歷史，話畀個客知塊球拍邊個明星用過，個客係會好想去聽，好多客仔都係咁成為朋友。」溫馨提示，現店內正以平價清倉，想執平貨的朋友，今次是Last Call了！
文明體育用品
地址：太子道西
96至100號
地下及1樓
查詢：2396 2793
↧