朱凱廸多次批評「官商鄉黑勾結」，十八鄉鄉事委員會主席梁福元前日指「應該官商鄉，講埋黑都唔緊要，係合作」，但他昨早一改口風，否認曾講過「官商鄉黑合作」，更稱自己「唔明白黑係點樣」。
梁福元昨早在電台節目上，被問及「官商鄉黑合作」的言論時，即說「無講過呢樣嘢」，又澄清「唔明白黑係點樣，話地下組織，地下乜，講到我一頭霧水」，重申應是「官商鄉合作」。梁又批評，同場的朱凱廸提及「黑」才令社會「諗多咗」，籲對方「唔好咁多心魔，事情唔係你諗得咁壞」，強調新界一切事務都是依足程序。
其後，朱問梁是否認同不論任何政見，於香港發言都不應受威脅時，梁直言「係！我同意」；朱繼而指「黑」不是放上枱，但全香港市民均「有眼睇」。
另外，上水鄉事委員會主席侯志強稱，理解朱凱廸的憂慮，但相信威脅他的人應是「得個講字」。被問及對「黑」的看法時，侯認為「呢樣嘢全世界有冇存在，就見仁見智」，又籲他「唔使驚，過嚟同我傾吓計，等我開解下你」。
↧
