剛過了51歲牛一的黃佩霞（Almen）熱愛做瑜伽，多年來教了不少星級學生如蔡一智夫婦、袁詠儀和徐濠縈等，最近更收埋歌神陳奕迅做學生。雖然忙返瑜伽中心教瑜伽，又要照顧家庭，但相識滿天下嘅佢仍會抽時間同朋友見面聯誼吓。早前佢陪女友人到中環買泳衣，只見她不時畀意見，可能朋友太心多，揀極都未有心水，齋等嘅Almen一臉無聊兼嘴藐藐，之後更玩手機打發時間。
Almen好鍾意做運動，瑜伽、游水及行山乜都啱，同一對仔女打籃球更是每周必做。可能因為是運動專家，又曾經做Model，所以朋友仔想買泳衣都要請教佢，對朋友好好嘅Almen亦非常樂意畀意見。
做朋友真一流
早前她撇甩女兒Camelot，陪女友人到中環的Calzedonia睇泳衣。朋友喜歡較Sexy的兩件頭款式，邊睇邊問佢意見，只見她不斷手指指話哪一件較適合對方。當友人入更衣室試身時，無聊的Almen便隨處逛逛，看看有否適合自己的泳衣。當沒有心水時，便呆站一角等候和玩手機。雖然朋友心多多，但好彩都只係揀咗15分鐘，Almen等完女友人畀埋錢就返回附近的瑜伽中心上堂。
採訪：李維隆
↧