莊端兒就男友張致恆（Steven）偷食台妹事件，昨於尖沙咀舉行記者會。莊端兒席上表示已跟Steven分手，同時疑似「扮可憐」，自稱屢遭人要求做超越其底線的事，上月已向經理人諸葛紫岐發律師信提出終止合作關係；諸葛紫岐事後即嚴正澄清「從無迫過旗下藝人做不想做的事」。本報記者
張致恆（Steven）日前被爆背着「正印」莊端兒偷食富貴台妹Doris，莊端兒稱為「好姊妹」、同門的呂晶晶回應此事後，被莊指是「抽水」；晶晶反轟莊「反骨」。
原諒Steven偷食
莊端兒昨於尖沙咀召開記者會，先交代與Steven的感情狀況，「佢錯咗亦已認咗錯，我哋亦都正式分咗手，咁我已經原諒咗佢嘞。」莊端兒隨後就自爆，近來事業上壓力重重，自今年暑假自資推出個人寫真集後，上月5日已向經理人諸葛紫岐發律師信，單方面終止合作關係。問到為何突然解約？莊端兒稱不便透露太多，但又說：「喺我哋呢段合作關係裏面，有人想我做一啲超越我底線嘅事，而我係一而再，再而三咁拒絕，我哋嘅關係正處於冷靜緩衝期。」
網上認曾結婚
昨有報道指莊端兒曾與有婦之夫Peter結婚，她被問到是否真有其事時稱：「唔方便講太多。（承認曾跟叫Peter的人拍拖？）唔好將人哋爆料、人哋嘅喜好加喺我身上。（是否因之前那段婚姻，影響到與Steven的感情？）我只回應我所答嘅問題。」隨即露出一臉不耐煩擬離場，有記者指她既開記招不如大方回應，莊未有理會，只說「之後嘅事，之後再算」就離開，入電梯時更一度造成混亂。
莊端兒事後或擔心得罪傳媒，會後才在Instagram貼出聲明，終於肯承認曾結過婚，她寫道「我的確結過婚，婚姻維持了很短時間，後來離婚了。我並不認為我曾經結婚是黑材料，所以，所謂爆料者如果想藉此抹黑我，我只覺得可笑。」
諸葛：唔會過問私人事
諸葛紫岐事後被問及可曾迫旗下藝人做不想的事時，她強調：「我自己都喺呢個圈工作，明白當中嘅苦與樂，旗下藝人遇到問題我會幫佢哋解決，而我從來冇迫過佢哋做佢唔想做嘅事！」至於可會因莊端兒瞞婚而影響兩人合作關係？諸葛紫岐表示：「我唔會過問旗下私人事，但合作之間講求彼此誠信，如果誠信出現咗問題，好難合作！」
對於Steven指莊端兒已婚不是秘密，莊和前夫曾與諸葛夫婦打麻雀。紫岐昨晚出席一活動時表示：「她（莊）的私事留待她自己說，佢啲嘢好亂！（對解約事件感無奈？莊是否反骨？）好無奈，都好可惜。（認同呂晶晶指莊反骨？）我有權保護旗下藝人，今天知道莊端兒開記者會後，我就發律師信畀佢（莊），一切交律師處理。」她續強調與莊仍有合約，有權替莊接工作。
↧