鄭秀文（Sammi）前晚舉行第6場紅館騷，請來林海峰任嘉賓，當他與Sammi合唱《將冰山劈開》時就高唱：「請將安仔擘開，劈開……個袋」搞到Sammi尖叫又喪笑，掀起全晚高潮！
鄭秀文（Sammi）前晚的紅館騷獲容祖兒、蔡一傑等捧場。每晚Sammi都會邀請台灣視障歌手蕭煌奇演唱，適逢前晚是蕭煌奇生日，Sammi送他生日蛋糕，又率領萬人大合唱生日歌，令他十分感動。
前晚的嘉賓是曾與Sammi合作電影《嫁個有錢人》的林海峰，對於Sammi第一場演唱會，因失聲而痛哭，林海峰安慰她說：「你流嘅眼淚，大家會畀好多掌聲去鼓勵你………你嘅眼淚先至係真真正正『粒粒皆辛苦』！」全場歡呼，連Sammi都話：「You are right！yeah！」
林海峰又表示：「原本Sammi叫我嚟合唱《I want you 廣東歌》，咁我話人哋炒飛炒到4000蚊，聽我唱歌？我揀咗另一首歌，包保唔會俾人嗌回水，就係唱你老公嘅歌！」原來林海峰要求與Sammi合唱《請把冰山劈開》，仲改埋歌詞「火速救災，請將安仔擘開，劈開……個袋」令Sammi尖叫喪笑，她立即繼續唱「你午夜莫期待」，令全場笑爆！
本報記者
↧