上周踏入44歲牛一的單親媽吳綺莉，早前一炮過畀1,575萬，購入大坑一個1,250呎豪宅單位，幾咁豪氣！富婆更被本報影到有仔埋身，「一家三口」在新屋附近歎印度菜。近日，星媽疑似忙搞新居，壓力爆煲致瘦了一圈。日前下午，她載囡囡和友人去跑馬地醫肚，見零妝長髮星媽眼肚超大、樣子超殘。紙板身形下，貧乳比早前激凸上圍大跌cup。睇嚟Dry爆單親媽係時間要搵個伴滋潤吓，翻脹救番個靚樣先得嘞！採訪 ︰ 李權威、李維隆
單親媽吳綺莉（Elaine）五年前與卓林回港生活。去年，爆出酗酒吳綺莉涉虐女被捕，正值反叛期的卓林唔肯返屋企，要社工調停。其後兩母女感情修好，不時行孖咇。就快十七歲的卓林踏入貪靚期，愛中性打扮的她近日打扮又回復女性化，難怪卓林媽都覺有古怪，懷疑寶貝女蜜運：「佢呢排有景轟，但唔講咁多，費事佢嬲我。」
踢拖揸車
月初，DBC數碼電台執笠，作為節目《越界傾情》主持的吳綺莉少咗份兼職，但多咗時間陪寶貝女。日前周末，兩母女抽空約男女友人去跑馬地食下午茶。食飽飽，愛紮半截辮的乖女卓林和中女友人先返上Elaine座駕，零妝兼踢人字拖、零打扮的吳綺莉就與中年男友人入便利店買嘢飲。當日所見，平日美魔女星媽，靚樣跌晒watt。天生微曲髮的她，長髮好蓬鬆，身材激瘦薄如紙，睇落有點頭大身細。素顏下，皮膚尚可，惜油光滿面，黑眼圈加超大眼肚，非常趕客。而且髮線好高，皮膚有啲鬆弛，顯得外貌好惡。見她火速揀了支烏龍茶，到收銀處會合男友人，當然唔少得買埋包煙嚟「叉電」啦。買完「精神糧食」，星媽無厘精神行番上車，然後驅車送友人返沙田第一城，兩母女再親子遊。
↧