張智霖（Chilam）睽違兩年，日前再推出新碟《HERO》，為表達該碟表揚父愛的主題，更獲安排與一名可愛混血B女齊拍攝唱片封套；其中B女更突然「咬住」Chilam不放呢！
張智霖（Chilam）日前為新碟《HERO》拍攝唱片封套，該碟主題為表揚父親，歌頌天下爸爸為家庭所付出的努力。拍攝當中，Chilam獲工作人員安排與一名可愛混血B女一起拍攝，B女面對陌生環境，初時不斷哭鬧，需媽咪在旁安撫；已為人父的Chilam亦出手抱B予以安撫，慈父樣盡現！
Chilam其後發現原來B女大笑時，跟他同樣展現酒窩，笑言：「佢真係同我有啲似樣。」而好奇心極重的B女，拍攝期間更一時「發牙痕」咬住Chilam的領呔和皮褸，讓Chilam哭笑不得。談到新碟以「父愛」為主題，Chilam坦言以往的歌曲比較側重母愛，反而較少歌頌父愛，「一個家庭入面，爹哋同媽咪嘅角色同等重要……呢次新碟講父愛嘅偉大精神，我覺得好有意義，亦可帶出一啲正面訊息。」
本報記者
↧