無線劇集《律政強人》昨日舉行謝師宴，主要演員方中信、黃智雯、李佳芯、曹永廉及張㬢雯等均有出席。方中信笑言拍開會戲份太悶時，會上網搵女藝人的三點式來解悶。
方中信與黃智雯在《律政強人》的謝師宴上互相取笑，黃智雯大讚方中信在拍攝時帶給大家歡樂，她笑說：「凌晨拍會議室戲份都幾悶，方Sir就會拎部電話出嚟，上網搜尋我嘅泳衣相。」方中信表示：「有時一拍就10幾場，大家會頭暈，見大家悶，惟有上Google搵下泳衣相囉。郭少芸呢啲上年紀，三點式相仲係婷婷玉立，真係精神為之一振。」對於監製羅永賢表示會開拍續集，方中信笑言先要看酬勞。
另外，談到好姊妹胡定欣被拍到跟陳展鵬密會半小時食糖水，黃智雯口快快說：「定欣停咗牌嘛！展鵬兜埋佢啫，我都有兜佢，輪住兜！」她說完才知自己失言，隨即尷尬地說出多個藉口解圍，氣氛尷尬又搞笑。張㬢雯劇中演出備受關注，卻惹來傳言指她曾整容；日前她在網上發佈兒時照片力證純天然，更得到網民大讚，她說：「我細個都係咁樣、都係呢個笑容，唔想剝削爸爸媽媽畀我咁好嘅基因。」
本報記者
↧