英皇小花、「嫩版黎姿」湯怡，平日間中拍戲拍廣告，其餘時間會乖巧學煮飯，一心等嫁洪卓立。日前下午三時許，淡妝湯怡獨自遊銅鑼灣，手拎戰利品的她，行行吓被男fans截停集郵，點知男fans遇見女神手震震，撳極手機都搵唔到相機icon，最後女神一邊吹水，一邊手指指幫手搵，脾氣超好，洪卓立好幸福呀！
湯怡（Kathy）和成日被傳死訊的洪立卓同期出道，甫入行無耐即秘密拍拖，二人一拖十年，03年才正式公告戀情。近年來，二人不時在網上放閃，好似去年10月，Kathy 28歲牛一，白面男友送上寫上「MY WIFE」的生日蛋糕o氹女友。加上月前兩人赴韓國甜蜜遊，以為「立怡戀」好事近，女方話要35歲才肯嫁；男方亦謂事業行先，過多幾年，夾晒口供，好有默契！
女神超nice
日前下午3時許，戴帽湯怡穿上短裙獨自遊老銅。雖然只係淡妝，但嫩版黎姿眼大大加索腿，非常吸睛。行行吓，更吸引男fans吊尾跟，行多兩步，男fans終於鼓起勇氣，埋身問Kathy要求合照。
女神來者不拒，笑笑口等對方ready部手機一齊自拍。惜怕羞男手震震，撳極搵唔到相機icon。不過女神好nice，keep住微笑出手搵，最終成功合照，女神仲同對方笑口say bye，咁貼地的女神！立立好有福氣囉！
採訪 ︰ 梁志明
↧