兩年前參加《中國好聲音》，參賽片段獲1,500萬點擊率，來自大馬的23歲「巨肺新人王」陳永馨（Melody），今年8月正式加入樂壇，成為周秀娜師妹，早前推出第一首新歌《愛只為你寫》，她開心到不得了，好似自己的BB出世。拍MV當日，請來日韓混血型男川崎真之介（Shinn）拍足13小時，二人更險被蜜蜂針。她透露年底會再推第二首歌，已有幾首錄好的歌選擇，並希望明年可參與電影或電視劇的演出。
Melody兩、三歲已喜歡唱歌，表演慾極強，「媽媽話我喺佢肚入面時，一聽到音樂就會郁。」因父母都鍾意聽歌，自少已聽很多中西流行曲。初中時首次參加校內歌唱比賽已奪冠，令她對自己的歌藝充滿信心。入大學時，她選擇由大馬返出生地紐西蘭讀音樂，讀了一年已取得獎學金到「廣西藝術學院音樂學院」修讀「流行歌曲演唱專業」，之後繼續在同校升讀「流行音樂表演」碩士，還有年半就畢業。現時她既要來往中港兩地宣傳新歌，又要返學，都幾辛苦！
為食搞到成面粒粒
回想當日參加《中國好聲音》是瞞着父母私下報名的，經過多次遴選至通知她到上海比賽，Melody才告訴父母，媽媽仲話：「係咪呃人㗎？」結果由爸爸和哥哥陪同參賽。今年8月底正式加盟GME中國時，已有自己的新歌《愛只為你寫》，「嗰次喺北京簽完約，第一次上台唱好緊張。」早前在港拍MV，走勻港九新界三地，在山頂公園拍攝時更有蜜蜂埋身，怕被針的她嚇得瑟縮一角，在港宣傳完下站便會到北京。現時她除了每天做Blogilates和Dance Exercise練氣Keep Fit外，因近日周圍飛，嚟到香港又勁食至愛的乾炒牛河和脆脆豬仔包，搞到滿面粒粒，所以晚晚要敷保濕Mask急救，她笑言：「唔敷我會無面見人㗎！」
採訪：李佩儀 化妝：Rita Leung
髮型：Moses Kwok @ Queen's Private i 場地：Shiki ZEN
↧