吳業坤出道以來緋聞不絕，曾先後與龔嘉欣等女藝人傳緋聞，昨有報道指嘉欣「介入」王卓淇與坤哥戀情，令王卓淇「怒斥」嘉欣是「小三」；坤哥昨晚現身時大呻無辜，否認與王卓淇拍過拖，並力撐嘉欣為人，指她不會橫刀奪愛做「小三」。
吳業坤與黎瑞恩昨晚為《星光熠熠耀保良》綵排，對於昨有報道指坤哥與王卓淇拍拖年半，但因龔嘉欣「介入」令王公開怒斥對方是「小三」。坤哥大感無辜道：「呢篇報道令三位當事人好無辜，我同嘉欣的緋聞由拍劇傳到O依家，但我哋冇拍過拖，一路都係好朋友同家人嘅關係。」他又力撐嘉欣為人，「不會做『小三』及搶別人男友」。
坤哥亦否認與被指是他「正印」的王卓淇拍過拖，「見到佢（王）表示畀人扭曲咗原意，相信王卓淇講嗰番說話唔係針對任何人，只係分享自己嘅愛情觀。（你跟王卓淇甚麼關係？）同事加朋友，希望唔好再影響身邊嘅女性朋友。」他語畢再向她們道歉。王卓淇亦在社交網站澄清，想不到自己的個人愛情觀點被扭曲，感覺被人引入局，更強調從沒評論任何人，自言「好累好可怕」。
本報記者
↧