阿旦（鄧洢玲）和梁梓禧（Roland）主持的ViuTV節目《啪啪聲太好聽》，成為首個免費頻道講性生活的節目，自言保守的阿旦坦言要Roland心理輔導才答應做主持。早前訪問李逸朗被指爆了他跟葉翠翠的舊情，兩人強調無意變成爆料節目，但很感謝一班嘉賓畀面接受訪問，兼且講得夠放。
最初獲邀時，Roland笑言考慮了五秒，「係好有突破嘅節目，想一口答應，但都要扮吓嘢嘛！」但保守的阿旦卻諗了足足兩星期，「真係驚人哋當咗我係慾女，好在拍檔係Roland，佢好似我大哥哥咁，仲幫我做埋心理輔導。」
阿旦網上被撩
節目暫定13集，但播了3集都成為該台收視三甲，令阿旦和Roland有信心成為長壽節目。阿旦說：「最初都擔心講性話題大家唔接受，好在觀眾咁支持，網上雖然會有人同我講下咸濕嘢，但我大方回應佢就無再講。」Roland補充，「我預咗俾人鬧，但竟然無喎！出街仲多咗人望O添！希望長播長有啦！」
對於早前訪問李逸朗，驚爆他跟葉翠翠舊情，阿旦和Roland都始料不及，「我哋唔打算做咩爆料節目，只係想嘉賓分享佢哋對性方面睇法，等大家用正確態度同思想去對待性生活。」Roland坦言會繼續碌人情卡邀請嘉賓，「除咗之前（邵）音音姐外，嚟緊仲有陳柏宇同谷祖琳，好多謝佢哋咁撐我。」
採訪：杜淑霞
髮型：Charles Wong，Ken Lam@ALCHEMY(梁梓禧)
服裝：phase 8(阿旦)
↧