「蕭太」黃翠如昨日出席超市開幕活動時，獲大會送上爆肌蕭正楠紙板公仔，更有小男孩送花催她生B。對於老公公開讚自己家族繁殖力強，翠如尷尬道：「佢最鍾意講呢啲，我今晚會好好地管教佢！」本報記者
黃翠如經常開早班拍新劇《致所有愛過的人》，故要買備食材煮早餐，問到婚後可有煮早餐給老公食？她笑說:「（微波爐）叮嘢食算唔算？」又指廚藝了得的曹永廉開始「介入」他們的家，教她煲湯和買餸：「有次我打返屋企問老公做緊乜？原來兩個男人喺度煲劇，總之我唔係喺屋企，通常阿廉就會喺度。」問到有否「造人」計劃？翠如即說她跟老公都很忙，未有時間。
談到阿蕭自爆家族繁殖力強，翠如即笑稱要他「跪玻璃」:「佢最鍾意講呢啲。言行舉止要優雅，係我家教唔夠嚴，唔好意思。」並稱有人教她生仔秘方，就是要老公在家不要穿內褲，翠如笑說：「要真人演繹畀我睇先得！」
↧