李克勤日前攜太太盧淑儀到馬來西亞開騷兼作足球友誼賽，豈料球場上發生碰撞傷和氣，搞到克勤勁嬲，喺網誌貼相貼文話「一點都不友誼」！事後，見已返港嘅克勤獨自現身中環皇后大道中鬧市，戴帽零笑容嘅佢忙傾電話後，摩打腳行咗去商場，唔夠一分鐘就極速走人。 採訪：張詠森
剛過去嘅周末，克勤飛咗去大馬舉行「李克勤慶祝成立30週年世界巡迴演唱會馬來西亞站」，台上開心與茜拉合唱，大讚對方聲線完美，加上大馬fans好熱情，主人家興奮到兩次encore呀！點知其後喺當地踢友誼賽時卻辣韾克勤，被對方球員踢傷嘅克勤激氣喺網誌留言「一點都不友誼」，更一怒把對方正面照放上網，寫明「就係呢條14號，我記得你。」好彩嬲完無耐，克勤夫婦獲好友羽毛球運動員李宗偉盡地主之誼請食飯，條氣順番啦！
搵助手傾兩句
日前下午，見克勤一支公現身中環街頭，頭耷耷send訊息又傾兩句電話，然後急步行去置地廣場。同女助手見一面，傾幾句就火速走人。其後，克勤keep住低頭快步行返去附近停車場取車離開，靚聲王全程無厘心機咁，唔通仲對大馬球賽一事耿耿於懷？！
↧