鄭伊健現正為下月24日起在紅館舉行的一連六場個人演唱會閉關排練歌舞，但昨晚卻有人冒認他fb帳號私信騙fans，因對話內容疑點重重，即時被識穿。事後伊健所屬公司發出嚴正聲明，而伊健則坦言：「一睇寫咁多字就知唔係我啦！」
昨晚有粉絲被一個「EkIn Cheng」fb帳號私信，冒認伊健要求該fans代處理重要文件，並以20%利益作為酬勞。由於對話內容疑點重重，一時話自己做「巡迴」，一時又話自己去「旅遊」，而fans根本知道伊健在香港籌備演唱會，所以即時辨出是A貨。
事後伊健所屬的寰亞經理人公司Lam and Lamb Entertainment代表林珊珊得知事件後，立即向有關交友平台檢舉，並發出嚴正聲明，以正視聽。而鄭伊健則回應：「一睇寫咁多字就知唔係我啦！我好感恩我啲fans咁醒目，有懷疑即刻通知我公司處理，大家咁乖，我會更加努力練歌同排舞，演唱會時畀驚喜大家！」問到平時有冇同粉絲聯絡？伊健笑言：「我哋仲用緊飛鴿傳書㗎！」
↧