明星足球隊有好多組員，包括李克勤、梁漢文、劉浩龍、黃日華、吳家樂及吳岱融等一大堆熱愛足球嘅男藝人。日前下午3點，前面提到嘅男藝人去九龍灣一個足球場踢波，51歲克勤、47歲梁炳及42歲劉浩龍好落力，走動又多兼踢足全場，但講到當日重點推介球員必屬59歲嘅「鷲哥」(吳岱融)莫屬，根據擁護利記嘅追蹤同事口述，「佢開頭落場踢，之後守龍門，佢又跳又撲，真係救到波，好鬼勁。」 採訪：李權威
譚詠麟、許志安、林敏驄及關禮傑等都係明星足球隊成員，前者仲係隊長，隊員經常約埋踢波，又會一齊去睇球壇盛事如世界盃。當日，梁炳同劉浩龍最早到，兩人先熱身，梁炳表現好積極，睇得出佢真係好熱愛足球。
鋼門鷲哥又跳又撲
15分鐘後，隊員陸續到達，克勤同梁炳司職中場，走動好多跑得亦快。而「鷲哥」本來負責踢，之後就轉去守龍門，仲一直喺龍門前彈彈吓Keep住注意力，就快60歲嘅佢真心勁，睇唔到邊個球員起腳，個波差啲入，好彩有鋼門「鷲哥」又跳又撲，成功救出，Yeah。
球員流汗流足兩個鐘，5點鐘散Band，好Fit嘅「鷲哥」飲住水行出球場，Wow，使唔使咁有型，之後，佢同梁炳經過克勤架閃藍色靚車，兩人回頭兩次，仲忍唔住嘩咗出聲。
↧