蘇永康、李丞責博士、薛家燕及湯洛雯等昨日出席《新春開運王》記者會。蘇康獲贈言今年家有喜事，他卻稱不考慮添丁，又透露日前其妻離港工作，22個月大兒子展弘就作病疑流感，好在他克盡父責照顧，囝囝現已退燒。
蘇永康笑指太太日前由米蘭返港，即帶兒子走勻全港所有名牌幼稚園去面試，令他覺得做媽媽真偉大，要兼顧事業同時又照顧子女。
他又指新居入伙只準備房間給兒子，若添丁除非生仔，生女則要再騰出房間，到小朋友長大又要搬。他續稱太太再飛米蘭工作，惟離港後兒子展弘就作病，飲奶沒胃口，食蛋白更嘔，因擔心兒子患流感，落力照料兒子的他即致電問兒科醫生朋友，得知若非燒至38.6度就不需擔心，幸好B仔現已退燒。
另外，家燕姐透露原先前日安排湯洛雯往拜姻緣石，但最後靚湯因又屙又嘔而缺席，改由蔡思貝頂替。
靚湯解釋因凌晨五點開始又嘔又屙才缺席。記者着家燕姐問靚湯「經手人」是誰？家燕姐笑說：「佢有幾個男士追求，以前拍《燦爛的外母》時的舊男友我見過，今日都見到一個，是他爸爸湯鎮宗，因為不舒服要爸爸充當柴可夫。」
↧