2017年，胡杏兒為老公李乘德（Philip）誕下囝囝李奕霆(Brendan)，一直想40歲前再追B的杏兒心願達成，昨日在社交網晒BB超聲波圖，開心宣佈佗豬B喜訊，並笑言「豬寶寶終於加入，李氏農場可以開張了！」
一直有傳胡杏兒大肚，日前出席活動時，杏兒身形變得圓潤明顯散發孕味，但當時未有承認。昨日終上載BB超聲波圖，還特意用豬公仔遮去胎兒樣子，從超聲波圖可以BB舉起了一隻手。而杏兒老公Philip亦有在社交網貼囝囝指住媽咪大肚的照片，正式宣佈老婆佗第二胎好消息，並指：「奕霆仔在想到底是弟弟還是妹妹呢？」
據知杏兒現時已懷孕3個多月，傳媒恭喜杏兒再做媽咪，成功三年抱兩的她興奮回應：「真係好開心，生到豬BB，真係湊夠開農場。上次佗住Brendan又係開緊工，今次佗住BB又係拍緊劇，可能BB旺媽咪工作，想陪住我開工。」杏兒還透露今次孕吐感覺比較強烈，成日無乜胃口。另她會留港安胎兼陪大仔Brendan，「陪伴Brendon，又可繼續接一些輕鬆而又應付得來的工作。最想就係BB健康同平安！多謝大家祝福。」
↧