惠英紅、陳家樂主演的英皇電影《幸運是我》前晚舉行首映，吸引鍾慧冰、Shine及剛與Janice Man舊愛李冠鋒結婚的Celia K.等捧場。身為影后的小紅姐受訪時，不斷「塞錢」落家樂袋，當談到不少人盛讚家樂演技大躍進時，他直言：「都係嘅！」小紅姐即笑說：「你真係唔要臉！你應該先講『多謝，我會繼續努力』之類嘅客套話。」
小紅姐又透露今年入行40周年，數年前一度想推出自傳，「我連書名都諗好，叫《我的50年》，冰姐（鍾慧冰）已幫我起咗十分一稿，但當中牽涉太多人，所以擱置咗，或者睇下60歲時會唔會再出！」至於Celia K.透露將於十月補擺婚宴，亦不介意老公邀請舊愛JM出席。
↧