做咗老竇嘅鄭中基（Ronald）唔同晒，成個人和善咗，感覺易接近，連當事人自己都話，「生活習慣大改，又告別夜生活，以求可以早點回家和仔女吃飯。」變咗Family Man連廣告商都吸引到，最重要好形象喚醒咗觀眾嘅記憶，「Ronald原本係歌星」所以開演唱會要求不絕，最終9月中在澳門開入行10周年紀念Show，香港站？Ronald話希望下年搞得成。
仲有兩個禮拜就開Show，Ronald近排努力減肥、做運動同練歌，不過，幾趕幾忙都要抽時間唞吓氣，約朋友飲酒吹吓水，叉吓電，有用過食補品。
Ronald好笑容
日前晚上八點，Ronald同一男一女友人喺尖東尖沙咀中心一西餐廳食飯，煙民Ronald當然選坐室外，食吓嘢，飲吓紅酒再煲支煙，幾治瘉呀。慢食兩個鐘，臨走前，Ronald離座去廁所，回歸座位前隔鄰食客即刻起身遞上卡片，兩人吹咗幾句水，再笑笑口合照，旁邊食客有樣學樣，Ronald變身景點任影唔嬲，之後就行去麼地道上七人車離開。
採訪︰張詠森
↧