新晉男子跳唱組合ReVe，成員Cavan（陳子華）和Kay（劉瑞祈）同樣23歲，身高184cm，外形比得上韓星一樣標緻。在近年韓風勁吹的情況下，他們在台灣集訓一年後最近正式出道，他們不怕貨比貨，有信心向韓國男團，在韓國的音樂頒獎禮「MAMA」擔任演出嘉賓，成為真正的亞洲巨星。
近年韓風在港勁吹，男子跳唱組合更加是不少港迷至愛，不過香港男子組合唔一定無得揮，單從ReVe外形真是很難分是韓星還是本地薑，其實Cavan在澳洲長大個樣鬼鬼哋，Kay又白白淨，但兩個靚仔都是純正華人。
年前曾在韓國習歌舞的Cavan，早已決心入行，「喺韓國學習咗兩年，但媽咪想我完成大學先，點知返香港玩喺街俾公司發掘，今次媽咪都好支持。」本身是模特兒的Kay，亦習舞多年。入行前兩人更到了台灣集訓，本來不認識的兩個大男孩，最初當然有拗撬，Kay說：「我哋通常都係為咗工作同學習，大家講完意見就唔會擺喺心，況且我哋成長背景唔同，反而可以互補不足，佢英文幫到我，我就教番佢中文。」談到未來目標，兩人即勁齊心，「我哋想亞洲嘅人都認識我哋，去到『MAMA頒獎禮』做嘉賓。（挑戰韓星？）又唔好咁講，大家良性競爭啫！佢哋嘅音樂有好多值得學習嘅地方。」
採訪：杜淑霞 場地：Balance FITNESS & HEALTH
↧
