「咪神」高海寧（高Ling）上星期突然向網民派福利，在自家網發放出水芙蓉短片，睇到個個流鼻血，之但係有身材都唔代表sure win，話說早前記者就在街上遇見素顏高Ling，雖然背心短裙好養眼，但個樣就……真係要落足眼力先認得出係高LingBB，知有記者鏡頭對準自己，高Ling即火速走去化妝專櫃借眼線筆急救，三兩下就劃返出個精靈BB樣，然後任影唔嬲，挺胸收腹行去攞車。
忙為無線新劇《不懂撒嬌的女人》趕工的高Ling，早前為拍一場落水戲，不惜跟教練進行兩天游水特訓，還在拍攝當日上載一條出水芙蓉短片益網民，桃紅色比堅尼上陣的她，上水再撥弄頭髮，畫面非常Sexy，想知有幾正就要睇片。
背心短裙好青春
之但係鏡頭後的高Ling其實幾樸素，話說早前本報記者便撞見她素顏現身鬧巿，當日所見，雖然高Ling以背心短裙露長腿示人，但十個途人九個認佢唔出。
行至總統戲院附近，高Ling內置scaner發現記者鏡頭對準自己，即急急腳衝入萬寧的化妝櫃枱急救，拿着公家眼線筆快速畫上一條粗眼線，成個樣當堂精靈晒，啱用當然要幫襯，埋單出門一下，高LingBB自信十足，任影唔嬲，挺胸收腹慢行到時代廣場攞車鬆人，臨走還要回頭畀記者影張靚相交差，超識做。
採訪：梁志明
↧