袁偉豪（Ben）早前剛忙完劇集《城寨英雄》（飾演牙佬）宣傳，即飛到加拿大溫哥華度假，原來他每隔一段時間，夾到有長假期便會到當地探親，順道過一些慢活。近年迷上跑步的Ben，還趁機在當地望住靚靚日落和河景跑步，他坦言當地生活節奏及環境很適合他，將來不排除到當地退休定居。
每隔約十年，Ben會去溫哥華一次，「嗰邊有啲親戚喺度，我Uncle又退咗休，唔使擔心冇人陪，佢會帶我哋周圍玩，日日唔係食嘢，就係周圍睇風景，我鍾意嗰度有種慢活度假嘅感覺，好舒服自在，可以好好休息。」
儲錢置業
為了方便出入，Ben今次決定自駕遊，去玩的地方更遠，「去咗溫哥華北面嘅Capilano Suspension Bridge公園，呢度係第一次去，喺條橋望落去，風景真係好靚。」近年迷上跑步的Ben，還首次享受當地跑步樂趣，「嗰度無咁熱，天氣又爽，跑起嚟舒服好多，我又住喺River Road，喺湖邊望住日落跑，無敵靚景真係好享受㗎！我決定咗以後去邊度玩，都會喺嗰度跑步留念。（有冇計劃到當地定居呢？）都唔係無可能㗎！我又有親戚朋友喺度，但係真係要努力啲搵錢先得，唔係點喺當地買樓，或者等到退休嘅時候囉！」
撰文：杜淑霞
↧