成日周圍飛的名模琦琦，早前撇低老公任達華和女兒任晴佳，與友人到巴黎睇騷集郵兼睇歐國盃決賽，難得唔使湊女可以自由玩，琦琦講起就開心。離港一星期，回來後貪靚名模即急急到名店入貨，早前見她在中環ifc掃完高跟鞋，再去睇衫和化妝品，前後唔使一個鐘，名模Shopping果然快狠準。
早前琦琦到法國度假，先後出席巴黎時裝周Elie Saab和Valentino的時裝騷，完騷後她更與設計師Elie Saab、荷里活女星美娜祖華維茲和法國鞋王Christian Louboutin影相集郵，之後再與女友人去睇歐國盃決賽，不過法國國慶其間，南部城市尼斯遇恐襲，琦琦由好開心變成好難過，而且為安全起見，取消所有外出活動，留在酒店休息。
隨意Shopping
回港後琦琦急不及待去ifc行街買嘢，向來情有獨鍾Jimmy Choo品牌嘅佢一到商場先去該店睇鞋，並主攻高跟鞋，試完一對又一對，仲要唔高踭唔買，全部都是三、四吋高，當她試完站起來更是高人一等，試啱喺鏡前轉個身，唔使半個鐘掃了兩對鞋，埋單逾萬元。之後她火速到Zara睇衫，只需15分鐘，已兜完一圈，但無心水，隨即去Bobbi Brown睇化妝品，同樣只係望一望，她仲要邊睇邊講電話，5分鐘行完，然後她便拿着戰利品再Call司機接載回家。
採訪：李權威
↧