譚詠麟（阿倫）、伍詠薇及陳小春主演電影《江湖悲劇》將於下月公映，三位主角日前齊亮相有線節目《電影蒙太奇》，接受主持嚴崇天訪問分享拍攝感受及趣事。戲中伍姑娘穿梭於阿倫與小春之間「艷福無邊」，她笑說：「咁筍嘅角色，我當然唔會蝕底出盡力拍！其中一幕因為要用雙腳交代我同小春嘅親密關係，我肉緊到小腿抽筋。」
阿倫聞言忍不住笑着大讚：「伍姑娘真係犀利，連腳指甲都有戲！我本來仲怕佢尷尬，叫佢放心拍，點知一埋位就被佢狂野嘅表現嚇窒。佢將我全身上下打晒手印，好似星光大道咁！」小春也大爆開工首日連招呼都未打就要跟伍姑娘拍親密戲，令他有點緊張呢！
↧