關詠荷同張家輝個獨生女張童(Brittany)本月24日就13歲，小朋友話咁快就大，有自己嘅朋友圈子，開始好快唔黐屋企。生咗女後全力湊女淡出娛樂圈嘅關詠荷當然明白。日前下午，兩母女又出動，兩人先去皇后大道嘅甜品店食蛋糕再去行超市，沿途拖住手，好溫馨。
採訪：張詠森
老公張家輝搵到，前年一家三口就搬入價值1.3億嘅老牌豪宅嘉慧園，雖然有車有司機，但張太平日鍾意用腳四圍去，難怪54歲都咁Fit。雖然佢唔抗拒復出拍劇，老公張家輝亦都話無反對，仲話最緊要劇本啱，無錯，重點係劇本啱，而家啲劇本真係呢。
兩母女一齊揀零食
鍾意湊女又享受湊女嘅張太經常帶個女四圍去，去書店睇書去買童裝去食雪糕，總之兩母女經常行孖咇。日前下午，氣溫有成20度，兩母女又去行街，兩人先去食蛋糕，阿媽就飲熱飲，傾吓Hea吓再去超市買零食，兩個女一齊推住手推車，行咗半個鐘，買咗拖肥糖又買咗啲芋頭片，唔係健康嘢，但張太無話唔畀買，阿女讀書辛苦，食少少獎勵吓唔過份啫。
↧