35歲嘅苟芸慧（Christine）去年同富商賽車手陸漢洋（William）結婚後，未急於生仔，坦言想開心過幾年二人世界先喎！日前下午，人妻約咗圈外男友人喺中環置地廣場歎茶，二人有講有笑唔夠廿分鐘，見靚靚人妻收到call，即戴番口罩起身急急走人，唔通係老公仔來電，心急見佢口中嘅「大仔」William？！ 採訪：張詠森
09年國際中華小姐冠軍苟芸慧，去年9月與男友陸漢洋於加拿大註冊結婚，10月再豪花逾千萬在港舉行早晚兩場婚禮。新婚Christine和丈夫早有共識，暫時享受二人世界，未計劃生小朋友，透露3、4年後才生B，到時會全職做媽咪。雖然未ready生B，但人妻亦希望培養老公做個見習daddy，兩夫婦助養咗4個來自柬埔寨和斯里蘭卡嘅小孩，善心滿載。
日前下午3時，見一身黑色打扮嘅Christine戴上黑色口罩與圈外男友人去中環置地廣場歎茶。「鬼妹仔」性格嘅人妻一邊飲咖啡，一邊手郁郁同友人吹水。未幾，Christine手機響起，即甜蜜蜜傾幾句，收線後火速起身走人。戴上口罩嘅Christine發現有記者，仲主動微笑揮手say hi，其友人亦同時揮手，最後急步出商場上車離開。
↧