周殷廷（Yan）最近推出全新快歌《Killa》，本身已是肌肉男的他，為配合新歌韓式跳舞風格，以更輕盈姿態演出，花了三星期極速減脂10多磅，但保留肌肉，現淨下130磅fit爆鋼條肌。而一直有學舞的他，認為這次製作快歌，只是一個開始，希望未來保留這個跳舞男風格，繼續朝這方向發展。
在新加坡長大的周殷廷，本來曾是180磅肥仔，為入行健身喪減，但跳起舞來他依然覺得未夠fit，「今次公司搵咗一個韓國創作人嘅歌畀我，一聽我就覺得要配合跳舞，但身材輕盈啲跳起嚟會好睇啲。」
自導快歌難兼顧
對健身減肥相當有經驗的Yan，只花了三星期便成功減掉10多磅肥膏，「除咗節食，仲有做健身配合，好在嗰排要為首歌排舞，減起嚟會再快啲，但主力係減脂肪，要保留番肌肉，着起衫同跳起舞嚟會好睇啲，依家自己都幾滿意，暫時都會keep住呢個身形。」
本身讀電影出身的Yan，今次繼續為新歌出任導演，他坦言自導快歌更困難，「一班人跳舞嘅部份要好齊先好睇，自己睇唔到鏡頭去提醒，好在排舞師兼任攝影師，可以幫到手。」Yan打算將來繼續以快歌為主，「自己一直都鍾意唱歌跳舞，加上香港巿場比較少呢類歌手，自己好想向呢方面發展。」
採訪：杜淑霞 服裝：Levis 場地：Moments
↧