將於近日內迎娶宋熙年的男神陳智燊Jason，在熱播新劇《超能老豆》中，與有米千金趙希洛飾演育有一對子女的夫妻，兩位可愛小童星陳偲穎(飾演常逸)和陳柏熹(飾演常懿)小小年紀，演技出眾，原來係由薛家燕的「家燕媽媽藝術中心」培育出來的小明星。拍劇預演做湊仔公，Jason坦言係一次耐性訓練，婚後ready做老竇嘅佢，感恩有這次學習機會呢！
向來同小朋友及動物拍戲係困難的事，新劇《超能老豆》中，陳智燊與趙希洛飾演父母，同兩位小童星有唔少對手戲，兩人異口同聲大讚8歲的陳偲穎既乖巧又勤力，且感情豐富有演戲天份，記性又好，就算腸胃炎，肚子不適都病住開工，好啱食呢行飯。不過，始終仲係小學生需全面照顧，尤其是6歲的陳柏熹，連劇本都未識睇，Jason二人要軟硬兼施，加埋出動零食哄對方排戲，Jason笑說：「有時陳柏熹會將活潑一面show晒出嚟，所以不時要提醒佢要專心啲演出。」
趙希洛大讚Jason預習做老竇合格，他的一套方法可帶動到家庭溫馨，有信心Jason將來定係個好爸爸同好老公，她笑說：「我都有見過Jason忟憎時候，其中一場戲係Jason拖住對仔女行馬路邊，但小朋友貪玩唔啱走位，Jason既要顧住小朋友安全又要講對白，好分心，就算咁簡單嘅場口都拍咗好耐。又見過Jason攰到挨牆小休，所以我真心佩服佢呀。」
採訪：方騫平 攝影：李維隆
↧